भारतसँगको सिमानामा रुख रोपौं

आदरणीय प्रधानमन्त्री ज्यू नमस्कार !

जहिले पढिन्थ्यो आज भने लेख्न मन लाग्यो । अहिले देशभर भारतले हाम्रो भुमि हुदै बाटो निर्माण गर्यो भन्ने बिरोध भईरहेको सर्वबिधितै छ । कहिले भारतले हाम्रो देशको सिमाना उसको नक्सामा प्रकाशित गर्यो भनेर बिरोधका स्वरहरु उठछन् |

यो वर्तमानको समस्या मात्र हैन् सधिऔँबाट हाम्रो देशले भोग्दै आएको समस्या हो । यो समस्या विगतमा पनि नआएका भने हैन् । भारतसंगको सम्पूर्ण सिमा विवाद सुलझाएर आफ्नो सिमानाको सुपरिवेक्षण र सुरक्षा गर्ने तपाइलाई सुनौलो अवसर छ । यो सधिऔँ देखिको रोगको निदान गर्ने, पहलकदमी लिने, सिमानामा पर्खाल लगाउनु पर्छ, काडेतारले बार्नुपर्छ भन्ने स्वर अहिले पनि चर्को छ । यसको दिगो रुपमा समाधान नगर्ने हो भने यो सधै रहिरहन्छ । कृतिम उपायत अनेक छन् । सिमा विबादबारे हामीले एउटा नयाँ प्रयोग किन नगर्ने ?

प्राकृतिक पर्खालः सिमानामा रुख रोपेर

हाम्रो देशको सिमाना अधिकांस भारतसँगको सिमाना तराई मधेशमा पर्छ जुन खुला छ । सर्वप्रथम सीमाको वास्तविक रेखांकन गरेर सिमानामा लहरै अग्ला ठुला रुख रोप्दा क्या काइदा हुन्थ्यो होला । जमिन अनुरुपको साल, सिसौ, सखुवा, टिक, खएरलगायत रुखका प्रजाति सिमामा । आहा… कस्तो वातावरण अनुकुलित हन्थ्यो होला प्रधानमन्त्री ज्यू छिमेकी सम्बन्ध, सिमा अनि हाम्रो राष्ट्रियता !

सम्पूर्ण देश आधुनिक प्रविधिको प्रयोगमा ब्याप्त भइरहदा हाम्रो प्राकृतिक पर्खाल विश्वकोलागि प्रेरणा अनि नमुना हुने थिायो । सरदर डेढ देखि दुई लाख बिरुवाले १७ सय ५८ किलोमिटर सिमाना ढाक्छ । ५ देखि १० मिटरमा मा एउटा रुख । अनि ४० देखि ५० हजार जनता परिचालन गर्दा बढीमा एकहप्ताको अभियान अनि बिरुवाहुर्काउने जिम्मा सिमा सुरक्षा बल सशस्त्र प्रहरी ,नेपाल प्रहरी, सेना, बन रक्षकलाई दिए काइदा हुन्थ्यो होला ।

यो अभियानमा नेपाल संगै भारतको पनि साथ भयो भने झन सजिलो र सहज हुन्छ । संयुक्त रुपमा उसले आफ्नो सिमानामा रोप्छ हामीले हाम्रो सिमानामा यसो हुँदा उसले पनि रुख हुर्काउन आफ्नो दस्ता राख्छ । सिमालाई त्यति गरेर सौन्दय सिमा र नमुना सिमाना बनाउन सकिन्छ । जुन् दृश्य अवलोकन गराएर बाह््रय तथा आन्तरिक पर्यटक भित्राएर आम्दानि समेत लिन सकिन्छ । कंक्रिटको पिल्लरले छेक्छ, रुखले जमिन टेक्छ ।

कुन रुख लाउने कसरी अभियान चलाउने यस्को लागि त विज्ञहरुको सुझाव र सल्लाह अपरिहार्य हुन्छ । वातावरणमा हुनेसकारात्मक असर, अझ बर्षेनि भारतबाट आउने प्रदुषित वायु रोक्ने ढाल बन्छ । एउटै रुखको सयौ बर्षको आयु हुन्छ । बिरुवा हुर्काउदाको दुईचार बर्षले सदाका लागि ढुक्क । अन्त्यत १०–२० बर्षमा अर्को लहर रुख रोप्ने अनि पहिलो लहर काटेर काठ बेच्ने । फगत कुनै पर्खाल वा छेक बार बाट आम्दानी हुन्न ।

धर्तीमा हुने यो महान कार्यमा कसैले भाजो हाल्दैन होला यो त भित्ता हैन आफ्नो रित्ता कित्तामा फित्ता तान्दै रोपेका हरिया पत्ता हुनेछ ।
तसर्थ प्रधानमन्त्रीज्यु तपाई आट गर्नुस साथ दिनलाई हामि करोडौँ छौ । सानो इच्छा शक्ति देखाउदा बृहतर असर छाड्ने परिकल्पना बन्नसक्छ ।

 जयनेपाल
अनिस आचार्य