एकादेशमा एउटा पेन्डुलम देश !
एकादेशमा
एउटा पेन्डुलम देश थियो |एकदमै
अस्थिर, कहिले एता हल्लिने, कहिले
उता ढल्किने।
विभिन्न
अध्यायको देश | कुनै अध्याय राणाको
हुन्थ्यो भने कुनै अध्याय
सानाको हुन्थ्यो। जनताको चाहना त् उही हो,
छाना, नाना र माना।
देश
हराभरा भएतापनि शासकको
आदेश ज्यानमारा हुन्थ्यो | त्यस लोकमा शिक्षाको
भिक्षा माग्नेलाई ज्ञानको अभिमान दिने चलन थियो
|दीक्षित त् उही थर
मात्र बाकीं थियो।
त्यो
देशको दरवार कैलाश पर्वतको फेदिमा अवस्थित थियो | त्यस दरवारको रक्षा
गर्न थुप्रै तरवारहरू परिचालित थिए तर वरपर
सिमानामा कुनै तारबार थिएन
| त्यस दरवारका भित्ताहरु ईट्टाले नभई पैसाका बिट्टाहरुले
ठडीएका थिए | छानो शिशाको अनि
भर भिसाको थियो |
दरवारको
छेउमै एउटा अजंग्गको रुख
थियो | त्यो रुखमा बैभव
फल्ने गर्थ्यो | तर शिशिर ऋतुमा
भने त्यस रुखको छायाले
दरवारमा कहिलै सुर्यको किरण पर्न दिएन
| अनि बसन्त ऋतुको हावाहुरीमा हाँगाले दरवारको छाना चर्कौला भन्ने
डर हुन्थ्यो| ग्रिष्म
ऋतुमा भने त्यहि रुखको
भर हुन्थ्यो |
रुख
काट्ने हिम्मत कसैको भएन किनकि फल
त् त्यसैमा लाग्थ्यो | प्रयासीहरु प्रयास उधुम्मै गर्थे, परन्तु दरवार अन्त बनाउने ल्याकत
त् के सार्ने तागत
पनि थिएन |
त्यस दरवार
भित्र शासन एकछत्र थियो, बाहिर मात्र भासण सर्वत्र थियो
| दरवार भित्र बस्ने मख्ख, बाहिर बस्ने छक्क पर्थे | जनता
स्वाभिमानी , नाइके बेइमानि गर्थे |भित्रकाले कर्म गर्दा बाहिरकालाई
शर्म हुन्थ्यो | भित्र पासाको बाढी चल्थ्यो , बाहिर
आशाको नाडी रोकिन्थ्यो | बाकि
सब फस्ट क्लास थियो
|
त्यस
लोकमा सबैको खानपिन(भोजन र मनोरंजन) ठीक्क हुन्थ्यो | जसोतसो छाक चाहिं टरेको
थियो।
अचानक शत्रु शताप्दीमा पश्चिम दिशाबाट बुफे(आफ्नै हात जग्गंनाथ) चलनको सुरुवात भयो | उताका ले यताकालाइ विद्याभ्यास
गराएर , त्यो चलन टपक्कै
टिप्न लगाए।
त्यो
बिष मात आयात भएपछि,
नेता थालमा भन्दा भाडोमा ज्यादा हेर्ने भए । जनता
खानेकुराको परिमाणमा
भन्दा पारिकारमा केन्द्रीत
भए | दाल भात तरकारी
खाने संकल्प गरेका ती सन्तोषी मनुवा
अब त् परिकारै परिकारको
विकल्पले अम्मली हुनथाले |
अब त्
तास खान पनि खेल्न
पनि प्रयोग हुन थाल्यो | सिकुवाको
सेलरोटीले नभएर अगेनाले सेकुवाको
रस सेक्न थाल्यो |
रितीको
फालनी हुदै गर्दा परनितीको
थालनी भयो | आफ्नाको निको
गर्ने भन्दा, आर्काको सिको गर्ने संस्कारको
विस्तार हुदै गयो।
त्यस
पश्चात त् राजारामले हराम
, रिताले रमिता , मनोहरिले मनपरी अनि रेखाले अनदेखा
गर्न सुरु भयो | राज्यलाई
भलो हुदा ठुलालाई के
गरु के गरु हुन थाल्यो
| सानालाई बाचौं कि मरौँ हुन
थाल्यो |
खोरिया
जाने मन हुदाहुदै कोरिया
जानु पर्ने बाध्यता भयो | दुहबी हिडेँका बटुवालाई चालकले दुबही पुर्याउन थाल्यो | तरपनि जन जनको मनले भन्थ्यो, के
भयो त् ? आतँ गलेकै
छ जिन्दगी चलेकै छ |
एकरातको
कुरा हो , खादाखादै जनता
जनार्दन प्यासीलाई आधारभूत आवश्यकताहरुको प्यास लाग्यो |ऊ पानीको खोजीमा
मूल भुलाएर हिड्यो | कहिले लहड, कहिले बाध्यता
, कहिले आकांक्षा हुदै लतारिदै -भौतारिदै
भएपनि परभुमीको मरभुमीमा
पुग्यो | ऊ भिन्न देशको अभिन्न अंग बन्न पुग्यो।
उसले
त्यहाँको सरदारलाई प्यास मेटाईदिन सादर अनुरोध गर्यो
| सरदारले आफ्ना भारदारलाई नजिकैको ईनारको किनारमा लग्न र पानीको
खानी देखाउन भन्यो | प्यासीलाई ईनार देखाएर उनीहरु
फर्किए |
एक निमेस पनि नसोची प्यासीले
परभुमीको ईनारमा फाल हाल्यो | उसलाई
लागेको प्यास त् मेट्यो परन्तु
जिन्दगी बिताउन उसले त्यहिँ ईनारको
ब्यास मात्र भेट्यो |
अन्त्यमा
प्यासी लेख्छ ,
कलर
फुल हुने झोकमा
ब्ल्याक
एण्ड ह्वाईट रोजिएछ,
फलांस
खेल्ने होडमा
तासको
जोकर पो भईएछ !
त्यस लोकमा
अझैपनि चर्चा उहीं छ रे,
हल्लिने कि झुन्डिने ?
-अनिश आचार्य
Comments
Post a Comment